12:52:00 PM
ආණමඩුව - පුලියන්කුලම වැව් ඉස්මත්තේ නිධානයක් ගොඩ දැමීමට උත්සාහ කළ බව කියන 06 දෙනෙකු ආණමඩුව පොලීසිය විසින් අත්අඩංගුවට ගෙන ඇත.
පසුගිය 28 වැනිදා සවස මෙම අත්අඩංගුවට ගැනීම සිදු කර ඇත.
අත්අඩංගුවට ගෙන ඇති අය අතර රාජ්‍යය ව්‍යවසායක අමාත්‍යාංශයේ රියදුරෙකු ද වේ. ඔහු ආණමඩුව - තම්මැන්නාගම පදිංචිකරුවෙකි. සෙසු සැකකරුවන් අතර වාරියපොල පදිංචිරුවන් තිදෙනෙකු, රම්බොඩගල්ල පදිංචිකරුවෙකු සහ ආණමඩුවේ පදිංචි අයෙකුදවේ.
නිධානය ගොඩ දැමීමට උත්සාහ කළ බව කියන ස්ථානයේ තිබී ලොරි රථ 02 ක් සහ බැකෝ යන්ත්‍රයක්ද පොලිස් බාරයට ගෙන ඇත.
අත්අඩංගුවට ගෙන ඇති සැකකරුවන්, ලොරි රථ දෙක සහ බැකෝ යන්ත්‍රය ආණමඩුව දිසා අධිකරණයට ඉදිරිපත් කිරීමට නියමිතව ඇත.
ආණමඩුව පොලීසිය වැඩිදුර විමර්ශණ කටයුතු කරගෙන යයි.
0 comments:
Post a Comment